9 may. 2010

ELECCIÓNS NO REINO UNIDO, LIBERAIS E CONSERVADORES

Case foi unha sorpresa que Nick Clegg non obtivese mellor resultado electoral, logo da súa campaña e dos debates que mantivo con Cameron e con Brown. A min non me sorprendeu. De feito, se ao final se coaliga cos tories, como semella que vai suceder, non penso que vaia deixar unha pegada moi forte na orientación do goberno.

Non vou falar do sistema electoral inglés, tradicional e bipartidista, non. Vou falar do pensamento ideolóxico do Conservative Party. Na súa mensaxe, o liberalismo económico radical e ortodoxo fai que o espazo dos liberais se reduza en moitísimo. Os tories mesturan un tradicionalismo social moi forte e un agarimo ideolóxico ás súas tradicións, e, ao mesmo tempo, unha fe absoluta nas leis do mercado.

Eu lle recomendo á xente un libro do 1990, Legislating for conflict, de Auerbach. Neste libro se fai análise do paralelismo entre as propostas teóricas de F. Hayek no seu libro Law, Liberty and Legislation e a praxe política do gabinete de Mrs. Thatcher. Unha praxe orientada a varrer o intervencionismo estatal en todos os eidos da vida, froito, como dixen, das súas conviccións liberais.

Hai unha película moi coñecida, Full Monty, que reflicte o ambiente moi pobre da bisbarra de Sheffield e o desmantelamento dos servizos de emprego, froito destas orientacións tan desprotectoras do goberno Thatcher. Logo veu o seu epígono, Major, que protagonizou as máis tristes esceas do desapego inglés ao proceso de constitución da Unión Europea.

Neste contexto, que o Labour Party deixe o goberno con toda probabilidade prantexa certas dúbidas. Non tanto a da pouca adhesión dos tories á Unión Europea, cuestión ben coñecida e que desde logo vai lastrar o desenvolvemento das políticas de integración. Pero si de derrubo do tecido de protección social que desde 1997 foi construíndo o gabinete primeiro de Mr. Blair e logo de Mr. Brown.

É un lugar común falar, desde que Blair abriu a “Terceira Vía” do New Labour, da pouca convicción de esquerdas do Labour Party. Probablemente, algo de razón haxa nesta liña de opinión. Sempre o Reino Unido foi o Estado europeo menos regulado. Porén, o seu labor vai ser máis recoñecido cando comece, probablemente, ese proceso de derrubamento que aventa un goberno tory. Sen dúbida, nen Blair nen Brown foron gobernantes da altura intelectual e moral de H. Wilson. Pero son, a fin de contas, laboristas.

A linguaxe dos tecnócratas do mercado é engaiolante- É unha mágoa que moita xente se deixe seducir por ela e, mais ceder nos seus principios, se autodefina aínda así como “progresista”. Ese adxetivo que, manoseado, deixou de dicir algo xa hai moitos anos. Deus nos protexa dalgúns progresistas!

3 comentarios:

  1. Jaime
    Se te ha ido la KBZA. ¿Qué quieres decir que los "tories" o los que piensan en conservador no valen?
    ¿Vas a abrir un blog político con Maria Antonia Iglesias?

    ResponderEliminar
  2. Non, non creo ter dito iso. Ao contrario, a lexislación liberalizadora de Mrs. Thatcher é un portento de estratexia. O que digo é que eu non participo deste pensamento.

    ResponderEliminar
  3. Por favor, más respecto y moderación. Que pasa como tano sigue sin abrir su blog a comentarios, censurando la comunicación, venís a este a decir papruchadas??

    ResponderEliminar

Os comentarios son benvidos neste blog, xa que o seu obxectivo é ser un punto de encontro e de diálogo co autor. Podes deixar a tua opinión, que pode non coincidir coa miña, pero sempre con cabeza. Os comentarios destructivos ou que falten ó respecto dos participantes no blog serán eliminados.