13 ene. 2010

NOTA DE PRENSA. NECESIDADE DE QUE GAGO CONVOQUE XA ELECCIÓNS

Advirte que non se utilice a institución para facer campaña


O candidato a Reitoría da Universidade de Vigo por Nova Universidade, Jaime Cabeza, pídelle ao reitor saínte, Alberto Gago, que, “agora que por fin parece que resolveron meridianamente, despois de tres meses, o tema da presentación do candidato da súa formación”, anuncie “canto antes” a data de celebración das eleccións, “para que todos teñamos moi claras as reglas de xogo e os seus prazos” e “poidamos concorrer en condicións de igualdade e transparencia”.



Neste senso, o candidato de Nova Universidade pídelle ao reitor saínte que, a partires de agora, manteña unha posición “estritamente institucional” e “non caia na tentación” de utilizar a Universidade de Vigo, os seus funcionarios, persoal laboral ou recursos, “para facer campaña en favor do candidato de Alternativa Universitaria”.



“Estaremos vixiantes para que isto non suceda e para que se respeten as distintas normas que regulan a utilización de campañas de logros e autobombo” por parte dos que están no poder e que “impiden a utilización de imaxes ou símbolos asociados ao mesmo” porque, advirte o candidato, “debe quedar ben claro que Salustiano Mato non é o candidato da Universidade de Vigo, senon un candidato máis, que tan siquera estivo na Universidade durante os últimos anos”.



Cabeza lembra que “apenas quedan catro meses” para esgotar a lexislatura e “non é de recibo que aínda non saibamos a data das eleccións”, porque “se outros non fixeron os deberes, alá eles”, pero “a comunidade universitaria ten dereito a dispor de toda a información necesaria de cara ao vindeiro proceso electoral”, xa que as eleccións “son sempre unha oportunidade para o contraste de ideas, algo bo e natural, mal que lles pese a algúns”.



En concreto, o candidato de Nova Universidade refírese ao feito de que o candidato de Alternativa Universitaria, Salustiano Mato, utilizando como pretexto a “crise económica”, considerase unha “perda de tempo” que na actualidade dous candidatos distintos cheguen a competir nunhas eleccións a Reitoría e non pacten unha candidatura única. “Se queren falar da crise, adiante, comencemos polos soldos da Xerencia e demáis altos cargos, pero que non cuestionen o sano exercicio da democracia nunha institución que, se algo precisa nos últimos tempos, e de máis debate e crítica contra calquer intento de instalar o pensamento único”, agrega Cabeza.



Jaime Cabeza salienta que “Alternativa Universitaria leva 12 anos gobernando a Universidade de Vigo e agora presenta un candidato que mesmo fala do que nós levamos moito tempo denunciando, da falta de implicación social, empresarial e institucional da Uvigo”, poñendo en evidencia que “non hai máis ´Alternativa´ que a do cambio”. “Un cambio –conclúe Cabeza- auténtico e de verdade, porque o resto é pretender aplicar a lei de Lampedusa, cambiando algo para que todo siga igual”.



Saúdos,

Gabinete de Comunicación de Nova Universidade

Contacto: santome@uvigo.es

1 comentario:

  1. ¡Y dale con el cambio (auténtico), Lampedusa y los gatos pardos!. Un cambio podría darse si se rompiese esta historia repetitiva de las dos plataformas, cuyas diferencias "politico-educativas" nunca fueron claras, y sus nombres vacíos. En la USC se han dado cuenta (al fin) de que no podían pasarse la vida con el personal adscrito a unos u otros(tampoco se sabía muy bien qué eran unos y otros)y marginando (unos y otros, pero menos que aquí)a los que no se apuntan a ninguna corriente. Ya hay 4 o 5 candidatos. ¿Por qué? Porque al final las únicas diferencias notables están en las personas concretas (nombres y apellidos) que van en un equipo u otro (lamentable, pero es lo que piensa mucha gente).

    Véase como aquí, por el hecho de que unas cuantas personas (muchas o pocas no importa) designen a su candidato, ya considera que hay que anunciar elecciones, marcar plazos, etc. etc. Eso porque ya está designado el "otro". ¿Y los otros? ¿Cuál es el plazo para que dos o mas personas se reúnan y designen a su candidato?¿Ya no podrá otro "designado" reunirse con el rector para pedir sus fechas y salir en los papeles?

    Hay algún movimiento de origen "burgués" (por la ciudad de las burgas)para presentar al menos otra candidatura.¡Ojalá cuaje, aunque sólo sea para romper esta dualidad¡ Además, quizá sería llave. Se corre el riesgo del coluchismo (ver video famoso) pero al menos nos reimos.

    ResponderEliminar

Os comentarios son benvidos neste blog, xa que o seu obxectivo é ser un punto de encontro e de diálogo co autor. Podes deixar a tua opinión, que pode non coincidir coa miña, pero sempre con cabeza. Os comentarios destructivos ou que falten ó respecto dos participantes no blog serán eliminados.